अँध्यारोको विरुद्धमा

कति  थच्चारिएको छु 

कति पछारिएको छु

म अँध्यारोमा 

कति लखेटिएको छु

कति रगडिएको छु।

म अँध्यारोमा

कति लुटिएको छु

कति कुटिएको छु।

थाहैनपाइ रेटिएको छु

रेटिएको छु, रेटिएको छु

अँध्यारोको कुरै नगर साथी

शिखर चुम्ने कल्पनामा हिडेको मान्छे म

विवशताको खोल्सामा भेटिएको छु

प्रिय कुलमान !

रङ्गिबिरङ्गि मान्छेको भीडमा

खास मान्छे चिन्न सकेन हुॅला

अँध्यारोलाइ राम्ररी चिनेको छु

तिम्रो पक्षमा छु, छैन थाहा भएन

तर  ढुक्क हुनु

अँध्यारोको विरोधी अवश्य हुॅ म

अँध्यारोलाई राम्रैसित चिन्छु म

+          +++           ++++               ++++          ++

कवि आर बि बि संयोगको कवितासंग्रह प्रकाशोन्मुख छ ।